Gökdepe etrabynyň Babarap obasynyň täze “Toý mekany” dabaralar merkezinde Saglygy goraýyş we derman senagaty işgärleriniň güni mynasibetli dabara geçirildi. Ony Kärdeşler arkalaşyklaryny Ahal welaýat birleşigi, welaýat saglygy goraýyş müdirligi we sanitariýa-eoidemologiýa gullugy guradylar.


Welaýatda soňky ýyllaryň dowamynda saglygy goraýyş ulgamy ep-esli gowlandyryldy. “Türkmenistanyň Prezidentiniň 2020-nji ýyla çenli obalaryň, şäherçeleriň, etrap şäherleriniň we etrap merkezleriniň ilatynyň ýaşaýyş-durmuş şertlerini özgertmek boýunça Milli maksatnamasyna” laýyklykda etraplaryň dolandyryş merkezlerinde , daýhan birleşiklerinde täze saglyk öýleri guruldy. Diňe Babarap obasynda dermanhanaly we “Tiz kömek” stansiýaly Saglyk öýi, sport desgalary guruldy. Ilat üçin döredilen lukmançylyk hyzmatlary toplumy sebitde näsaglara hyzmat etmegiň, ilkinji nobatda, bejeriş edaralarynyň işini kämilleşdirmegiň hasabyna derejesini ýokarlandyrmaga mümkinçilikleri berdi.

Bu geçirilen dabaraly çärede saglygy goraýyş işgärleriniň has tapawutlananlaryna gymmat bahaly sowgatlar gowşuryldy.