Balkan welaýatynyň Türkmenbaşy etrabynyň dolandyryş merkeziniň – şäher görnüşindäki şäherçede - Türkmenbaşy şäherçesiniň keselhanasynyň durkuny täzelemek işleri tamamlandy. Bu ýerde has tapawutlanyp işlän gurluşykçylara gymmat bahaly sowgatlar gowşuryldy.

Etrap keselhanasynyň durkuny täzelemek işleri ilata lukmançylyk hyzmatlarynyň giň görnüşini ýerine ýetirýän saglygy goraýşyň häzirki zaman edaralaryny gurmaga we üpjün etmäge bildirilýän halkara standartlaryna laýyk geçirildi. Abatlaýyş-gurluşyk işleriniň ählisini Balkan welaýat häkimliginiň düýpli gurluşyk müdirliginiň buýurmasy esasynda “Diýar” hususy kärhanasynyň gurluşykçylary ýerine ýetirdiler.

Saglygy goraýyş edarasynyň durkuny düýpli täzelemek işleri ýurtda amala aşyrylýan “Türkmenistanyň Prezidentiniň 2020-nji ýyla çenli obalaryň, şäherçeleriň, etraplaryň şäherleriniň we etrap merkezleriniň ilatynyň durmuş-ýaşaýyş şertlerini özgertmek boýunça milli maksatnamasynyň” çäklerinde geçirildi.