Türkmen gawunynyň gününiň öňüsyrasynda Mary şäherinde ekerançylaryň bäsleşigi geçirildi. Öz ussatlyklaryny görkezmek, şeýle hem öz önümlerini mahabatlandyrmak üçin welaýatyň sebitlerinden babadaýhan şägirtleriniň 30-dan gowragy bäsleşige geldiler. Olaryň arasynda tejribeli daýhanlaram daýhançylyk bilen täzeden bäri meşgullanýan ekerançylar hem bar.
Bakja önümleriniň artykmaçlyklary birnäçe görnüş boýunça: “Altyn gawun”, “Iň uly garpyz”, “Iň uly kädi”, şeýle hem “Täsin bakja önümleri”, “Tejribe ähmiýetli seçgi” görnüşleri boýunça kesgitlenildi.
“Altyn gawun” diýen ugur boýunça Wekilbazar etrabynyň Gökje daýhan birleşiginden Seýitmyrat Annaýew ýeňiji boldy. Onuň ösdürip ýetişdiren “Şa gawunynyň” agramy 17,5 kilograma barabar boldy. Bu gawunyň ýogynlygy 69 santimetr bolup, tagamy boýunça hem beýleki gawunlardan tapawutlandy. 27,4 kilogram agramly we daş-töweregi 66 santimetre barabar bolan iň uly garpyzy Wekilbazar etrabynyň “Watan” daýhan birleşiginden Şöhrat Gelenow ýetişdiripdir.
Tagtabazar etrabynyň Ýaşlyk daýhan birleşiginden Orazgeldi Gurbanowyň ösdürip ýetişdiren, bu bäsleşikde ýeňiji bolan kädisi agramy boýunça bu garpyzdan sähelçe yza galdy. Onuň agramy 25,1 kilograma barabar boldy. Göwrüminiň ululygy boýunça ol hatda bu garpyzdan hem 6 santimetr ozmagy başardy. Täsin bakja önümleri diýlip atlandyrylan bäsleşikde Wekilbazar etrabynyň “Ak goňur” daýhan birleşiginden Maýa Berdigylyjowanyň kädiden taýýarlan önümi iň ajaýyp önüm boldy. Ol hakyky heýkeltaraş ýaly, gadymy Merw ýadygärlikleriniň şekillerini şeýle hem welaýat kitaphanasynyň köşk toplumynyň şekillerini kädi önüminden döredipdir.
“Tejribeli ähmiýetli seçgi” diýlip atlandyrylan bäsleşikde Oguzhan etrabynyň “Daghan” daýhan birleşiginiň ýaşaýjysy Röwşen Kadyrow ýeňiji boldy. Onuň gawunyň ýerli tohumlaryndan we meşhur “Waharman” tohumyndan döreden “Daghan” atly gawuny özüniň datly tagamy bilen emin agzalaryny we tomaşaçylary haýran galdyrdy.
Bakja önümleriniň artykmaçlyklary birnäçe görnüş boýunça: “Altyn gawun”, “Iň uly garpyz”, “Iň uly kädi”, şeýle hem “Täsin bakja önümleri”, “Tejribe ähmiýetli seçgi” görnüşleri boýunça kesgitlenildi.
“Altyn gawun” diýen ugur boýunça Wekilbazar etrabynyň Gökje daýhan birleşiginden Seýitmyrat Annaýew ýeňiji boldy. Onuň ösdürip ýetişdiren “Şa gawunynyň” agramy 17,5 kilograma barabar boldy. Bu gawunyň ýogynlygy 69 santimetr bolup, tagamy boýunça hem beýleki gawunlardan tapawutlandy. 27,4 kilogram agramly we daş-töweregi 66 santimetre barabar bolan iň uly garpyzy Wekilbazar etrabynyň “Watan” daýhan birleşiginden Şöhrat Gelenow ýetişdiripdir.
Tagtabazar etrabynyň Ýaşlyk daýhan birleşiginden Orazgeldi Gurbanowyň ösdürip ýetişdiren, bu bäsleşikde ýeňiji bolan kädisi agramy boýunça bu garpyzdan sähelçe yza galdy. Onuň agramy 25,1 kilograma barabar boldy. Göwrüminiň ululygy boýunça ol hatda bu garpyzdan hem 6 santimetr ozmagy başardy. Täsin bakja önümleri diýlip atlandyrylan bäsleşikde Wekilbazar etrabynyň “Ak goňur” daýhan birleşiginden Maýa Berdigylyjowanyň kädiden taýýarlan önümi iň ajaýyp önüm boldy. Ol hakyky heýkeltaraş ýaly, gadymy Merw ýadygärlikleriniň şekillerini şeýle hem welaýat kitaphanasynyň köşk toplumynyň şekillerini kädi önüminden döredipdir.
“Tejribeli ähmiýetli seçgi” diýlip atlandyrylan bäsleşikde Oguzhan etrabynyň “Daghan” daýhan birleşiginiň ýaşaýjysy Röwşen Kadyrow ýeňiji boldy. Onuň gawunyň ýerli tohumlaryndan we meşhur “Waharman” tohumyndan döreden “Daghan” atly gawuny özüniň datly tagamy bilen emin agzalaryny we tomaşaçylary haýran galdyrdy.
