Geçen şenbe gününde geçirilen ählihalk ýowarynyň dowamynda Daşoguz-aeroport ulag ýolunyň ýakynynda on gektar meýdany eýeleýän täze tokaý giňişliginiň düýbi tutuldy.

Öňden gelýän däbe eýerilip, bu ýerde, welaýat merkeziniň günorta-günbatar tarapynda, bir-näçe ýyllaryň dowamynda iri bag ekmek çäreleri geçirilip gelinýär. Bu sapar hem kärhanalaryň, döwlet edaralarynyň, jemgyýetçilik guramalarynyň zähmet toparlary, talyp ýaşlar, ýaşulylar, şäheriň ilaty ýowara işjeň gatnaşdylar.

Täze döredilýän tokaý giňişligine Daşoguz welaýatynyň nahalhanalarynda ösdürilip ýetişdirilen we taýýarlanan bag nahallarynyň iri toplumy öz wagtynda getirildi. Ýowar güni bu ýerde pürli we ýerli howa-toprak şertlerine gowy uýgunlaşan bag nahallarynyň dört müňisi ekildi.