Ýurduň “Baky bereket” kompaniýasy Türkmenistanyň Senagatçylar we telekeçiler birleşmesiniň buýurmasy boýunça iri gurluşyk taslamasyny amala aşyrmaga girişdi. Oguzhan we Ýubileýnaýa köçeleriniň kesişýän ýerinde ol iki ýylda bankyň, söwda merkezleriniň ikisiniň, ýaşaýyş jaýyny, awtoduralganyň we birnäçe tehniki gurluşlaryň binalaryny gurar.

Bu arhitektura kompozisiýasynyň esasysy dokuz gatdan ybarat bolan “Rysgal” bankynyň binasy bolar. Bu ýerde onuň merkezi edarasy we dürli firmalaryň wekilhanalary ýerleşer. Bankyň golaýynda söwda merkezleriniň alty gatly binalary bolar. Olarda söwda toplumlaryndan başga-da kafe, restoran, dynç alyş zolaklary we çagalar üçin oýun meýdançalary gurular. Oňa golaý ýerleşýän çäklerde edara işgärleriniň awtoulaglaryny goýmak üçin awtoduralga gurmak göz öňünde tutulýar.


Ýubileýnaýa köçesiniň ugrunda otaglary gowulandyrylan 84 öýli ýaşaýyş jaýy gurular. Onuň birinji gatyny supermarket we hyzmat ediş nokatlary eýelär. Ýaşaýjylar üçin bu ýaşaýyş jaýynyň howlusynda ulaglary ýuwýanly we ulaglar üçin ätiýaçlyk şaýlary satylýan dükanly üsti ýapyk awtoduralga gurular.

Gurluşlaryň ählisi bir arhitektura çözgüdine birleşdirilendir we bütewi sazlaşyk hökmünde kabul ediler. Ýurduň iň gowy däp-dessuryna eýerilip gurulýan binalaryň daşky görnüşleri iň häzirki zaman materiallardan ýerine ýetirilip, paýtagtyň şähergurluşyk äheňine gönükdiriler. Muňa giň gök zolagyň bezelmegi hem şert döreder.