Awazadaky „Daýanç“ çagalar-sagaldyş merkezinde çagalaryň segsen dördüsi dikeldiş-bejergi tapgyryny aldylar. Gojaman Hazaryň ekologiýa taýdan arassa kenarynda öz ata-eneleri bilen çagalar sagaldyş merkezleiniň iň gowusynda olaryň geçiren wagty ýatdan çykmajak günler bolar. Bu ýerde olaryň gowy dynç almagy üçin ähli mümkinçilikler döredilipdir: hyzmatlaryň ýokary hilli görnüşlriniň ählisi, ýokumly tagamlar, kärine ussat lukmanlar we bejeriş çäreleriniň ençeme görnüşini teklip edýän döwrebap sagaldyş toplumy çagalaryň hyzmatynda boldy.Tejribeli mugallymlaryň lukmanlar bilen bilelikde taýýarlan dynç alyş maksatnamasy wagtyny gyzykly we saglygy üçin peýdaly geçirmäge mümkinçilik berdi.

Hünärine ussat lukmanlar her çaga üçin aýratyn sagaldyş şçärelerini: owkalama, şol sanda suw bilen owkalama, ýod-bromly we otly wannalar, bejergi palçygyny ulanmak, parafin-ozokerit bejergileri ulandylar. Tejribeli mugallymlaryň ýolbaşçylygynda çagalar höwes bilen surat çekdiler, aýdym aýdyp, saz çaldylar, küşt we şaşka oýnadylar. Kitaphanada çagalar üçin gzykly we aň-düşünjäni artdyrýan kitaplar taýýarlanyldy. Çagalar sport toplumynda dürli oýunlar oýnadylar.

„Daýanç“ ýylboýy işleýän dynç alyş merkezidir. Bu ýere ülkämiziň dürli künjeklerinden çagalar ata-eneleri bilen dynç almaga gelýärler. „Daýanaç“ Türkmenistanyň çäginden daşda-da meşhurlyga eýe boldy. Her ýyl Kärdeşler arkalaşyklarynyň milli merkeziniň haýyr-sahawat çäresiniň çäklerinde bu ýere beýleki ýurtlardan-da çaglar dynç almaga gelýärler. Şu ýylyň tomsunda merkezde täjigistanly, moldowaly we ukrainaly çagalar dynç aldylar.

Türkmanistanyň Kärdeşler arkalaşyklarynyň howandarlygyndaky „Daýanç“ çagalar-sagaldyş merkezinde Hazaryň kenaryndaky merkeziň „Awaza“ Milli syýahatçylyk zolagyndaky meşhur ýerleriň arasynda öňdeligi saklamagy üçin elde bary edilýär.