Tomusky dynç alyş ösüp gelýän nesliň doly derejeli dynç almagy we sazlaşykly ösmegi üçin ençeme mümkinçilik berýär. Çagalaryň käbiri ata-eneleri bilen syýahata gitse, beýlekileri sporta imrigýär, ýene biri döredijilige baş urýar, daşary ýurt dillerini öwrenýär, kitap okamaga höwesek bolsa, başgalary täze bilimleri özbaşdak öwrenýär.

Bilesigeliji we işjeň çagalaryň ençemesi tomsuna doly derejeli we gyzykly dynç almak üçin mümkinçilikler döredilen çagalar-sagaldyş merkezlerinde bolýarlar.

Türkmenistanyň Bilim ministrligi Medeiýet ministrliginiň, beýleki pudaklaýyn edaralaryň we jemgyýetçilik guramalarynyň, Arçabil etrap häkimliginiň ýardam bermeginde çagalaryň wagtynyň gyzykly geçmegi üçin gyzykly çäreler maksatnamasyny taýýarlapdyr.

Gökderede geçirilen çagalar gurjak teatrlarynyň bäsleşigi şu ýylky tomsuň ýatdan çykmajak wakalarynyň biri boldy. Çagalar halk ertekileriniň äheňinde gyzykly oýunlar taýýarladylar.

Türkmenistanyň at gazanan artisti, Döwlet gurjak teatrynyň esasy artistleriniň biri Annaçary Kakabaýew eminler toparyna ýolbaşçylyk etdi. Tanymal artist gyzykly sahna tilsimlerine seslenip, çykyş edýän çagalara goşulyp, oýunlaryň gahrymanlarydyr tomaşaçylar bilen söhbetdeş bolýardy, ussatlyk sapagyny berýärdi. Teatryň artistleri çagalaryň gowy görýän oýunlaryndan bölekler görkezip, olaryň göwnüni awladylar.

Ýaşajyk nakgaşlar çagalar suratlarynyň bäsleşiginde Watanyň geçmişini we şu gününi wasp etdiler. Olar çeperçilik serişdeleri arkaly ýurdumyzyň gözel tebigaty, medeni we binagärlik gözellikleri, dürli kärdäki adamlar, öz deň-duşlary, geljege garaýyşlary barada gürrüň berdiler. Işleriň birnäçesi türkmen tebigatynyň gözelligine we Gökderedäki dynç alyşa bagyşlanypdyr.

Ýapyk binalarda we söweş sungaty boýunça V Aziýa oýunlaryna aýratyn üns berlipdir. Çagalar barha golaýlaşýan sport baýramy mynasybetli dürli sport ýaryşlaryna höwes bilen gatnaşýarlar. Paýtagtymyzyň „Aşgabat“ seýilgähinde Gökderede dynç alýanlaryň gatnaşmagynda göçme medeni- köpçülikleýin çäre geçirildi.

Türkmenistanyň Bilim ministrliginiň, Ýaşlar guramasynyň we paýtagtyň häkimliginiň guran aýdym-saz festiwaly birnäçe sagada çekdi.

Oňa Gökderede dynç alýan çagalardan başga-da paýtagtymyzyň sungat mekdepleriniň okuwçylary-da gatnaşdylar. Seýilgähe gelenler zehinli çagalaryň çykyşlaryny el çarpmalr bilen garşyladylar.

Konsert tamamlanandan soň bäsleşige gatnaşanlar seýilgähede gezelenç etdier, attraksionlara bardylar, soňra bolsa Medeniýet ministrliginiň çakylygy bilen Türkmenistanyň Döwlet muzeýine baryp gördiler.Welaýtlardan gelen çagalaryň köpüsi üçin ol ýurduň iri muzeýine ilkinji gezelençdi. Olar seýrek duşýan eksponatlar bilen tanyşdylar, halkyň taryhy, medeniýeti we däp-dessurlary, türkmen döwletiniň kemala gelmegindäki şanly seneler barada köp zatlar bildiler.

Tomusky dynç alyş dowam edýär, diýmek çagalara ýene-de täze açyşlar we ýatdan çykmajak wakalar garaşýar.