Eýran Yslam Respublikasynyň medeniýet boýunça attaşesi we Türkmenistandaky ilçihanasynyň Aşgabat Medeniýet merkeziniň başlygy Nawid Räsuli Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň müdiri Orazsähedow Dawut bilen duşuşdy.

Aşgabatda Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň binasynda geçirilen duşuşykda taraplar bu iki ýurt arasynda medeni hyzmatdaşlygy giňeltmegiň möhümdigini nygtadylar.

Gepleşikleriň barşynda taraplar medeni hyzmatdaşlyk äleminde Türkmenistan bilen Eýranyň arasyndaky hyzmatdaşlyk mümkinçiliklerini ara alyp maslahatlaşdylar.

Medeniýet boýunça attaşe we Eýran Yslam Respublikasynyň Aşgabatdaky ilçihanasynyň Medeniýet merkeziniň başlygy Nawid Räsuli Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynda müňlerçe arap, pars we türk dillerindäki golýazmalaryň saklanmagynyň Eýran bilen Türkmenistanyň arasyndaky taryhy hem medeni gatnaşyklara şaýatlyk edýändigini belläp geçdi.

Eýranyň medeniýet boýunça attaşesi instituta golýazmalar boýunça mundan beýläk bilelikde işlemek üçin, Eýranyň Milli kitaphanasy ýa-da Kitaphanalary, muzeýleri we resminamalary guramak merkezi bilen şertnama baglaşmagy teklip etdi.

Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň müdiri Orazsähedow Dawut hem öz gezeginde bu institutyň ylmy we medeni maslahatlar geçirmek maksady bilen, Eýranyň Aşgabat şäherindäki medeniýet boýunça attaşesi we Medeni merkezi bilen hyzmatdaşlyga taýýardygyny aýtdy.