Bäşim Nuraly adyndaky Çagalar çeperçilik mekdebinde halk ertekileriniň we Magtymgulynyň eserleriniň bezegine yglan edilen bäsleşige 240 okuwçy gatnaşdy.

Sergä gatnaşan 240 işiň 50-si görkezildi. Sergide görkezilen işlerde haljk ertekileriniň we rowaýatlaryň gahrymanlary, Magtymgulynyň eserleri boýunça tebigat şekillendirilipdir. Çagalara usul we material saýlamakda erkinlik berlipdir: kimdir biri guaş, beýlekileri – akwarel ýa-da akril reňklerde işlese, grafika işleri ştrihli we tuş bilen nokatly hem-de galamly ýerine ýetirilipdir.

Medine Myradowanyň, Leýli Myradowanyň, Aýnabat Bäşimowanyň, Kerim Çaryýewiň, Aýgül Berdiýewanyň, Göwher Meläýewanyň, Merjen Gurbanmämmedowanyň sergä hödürlän işleri oňat baha mynasyp boldy. Çagalar tapbiler abstrakt pikirlenýän nakgaş hökmünde özüni görkezdiler.

50 işiň awtorlaryna Bagtyýarlyk etrabynyň Türkmenistanyň Magtymguly adyndaky Ýaşlar guramasynyň gymmatly sowgatlary gowşuryldy.

Bäsleşige gatnaşan okuwçylaryň ählisine Bäşim Nuraly adyndaky Çagalar çeperçilik mekdebiniň sowgatlyklary gowşuryldy.