Türkmenistanyň Statistika boýunça döwlet komitetiniň wekillerinden ybarat bir topar mart aýynyň başynda Ženewadaky Milletler Köşgünde geçen çagalar baradaky statistika boýunça bilermenler mejlisine gatnaşdy.
Duşuşyk BMG-niň Ýewropa ykdysady komissiýasy we Çagalar gaznasy tarapyndan guraldy. Ýurdumyzyň Statistika boýunça döwlet komitetiniň işgärleri ÝUNISEF-iň bu ýurtdaky çaga hukuklaryna gözegçilik we baha bermek boýunça edarasynyň hünärmeni bilen birlikde Ýewropanyň we Merkezi Aziýanyň milli statistika edaralarynyň ulgamlaýyn maslahatyna-da gatnaşdy.
Bu çäräniň maksady Çaga hukuklary konwensiýasyna we 2030-njy ýyla çenli döwürde durnukly ösüş meýilnamasyna laýyklykda, çagalar hakdaky maglumatlaryň elýeterliligini we ulanylmagyny gazanmakdy.
Mejlise gatnaşanlar Ýewropada we Merkezi Aziýada çagalaryň BMG-niň Çaga hukuklary baradaky konwensiýasyna esaslanýan hukuklaryna gözegçilik ulgamyny-da ara alyp maslahatlaşdylar.
