Mary welaýatynyň Mary etrabynyň «Täze oba» daýhan birleşiginde gara mallaryň we dowarlaryň gassaphanasy dabaraly açyldy. Täze kärhananyň umumy meýdany 6,5 gektardyr.
 |
 |
Zawodyň önümçilik kuwwaty günde 500 baş gara mal we 1000 baş dowar soýmaga niýetlenendir. Desganyň çäginde bir gatly önümçilik binasy we 500 tonna et saklamak üçin 13 sowadyjy enjam işe girizildi.
Mundan başga-da, desga suw üpjünçiligi ulgamy, elektrik we lagym ulgamy bilen üpjün edildi. Hapa suwlar üçin 25 m3 göwrümli howuz göz öňünde tutulan.
Taslamany telekeçi Begenç Orazowyň tabşyrygy boýunça «Täze aý önümleri» HJ-nyň hünärmenleri amala aşyrdylar. Kärhana ýurduň Senagatçylar we telekeçiler bileleşiginiň döredilmeginiň 16 ýyllygyna we Milli bahar baýramyna gabatlanyp açyldy.
