Ýaponiýanyň Türkmenistandaky Adatdan daşary we Doly ygtyýarly ilçisi Hirosi Sasaki Aşgabat şäherindäki ýöriteleşdirilen 140-njy orta mekdebine baryp gördi.

Diplomat Ýaponiýanyň «The Nippon Foundation» gaznasy we «Tokyo Foundation for Research Policy» seljeriş merkezi tarapyndan durmuşa geçirilýän «READ JAPAN PROJECT» taslamasynyň çäklerinde paýtagtymyzdaky mekdebe kitaplary sowgat etdi.

Bu mekdepde çagalar başlangyç synplardan başlap ýapon dilini öwrenýärler. «READ JAPAN PROJECT» taslamasy dünýädäki uniwersitetlere we kitaphanalara Ýaponiýa hakyndaky iňlis dilinde çap edilen kitaplary sowgat bermek maksady bilen 2008-nji ýylda ýola goýuldy.