Türkmen döwlet medeniýet instituty ýurduň ýokary okuw mekdepleriniň talyplaryny Türkmenistanyň taryhy boýunça olimpiada gatnaşmaga çagyrýar. Ders bäsleşigi Türkmenistanyň Garaşsyzlygynyň 35 ýyllygyna bagyşlanýar.
Bäsleşik 18-nji sentýabrda 14:00-da onlaýn görnüşde geçiriler. Bäsleşige hünärlerine we taýýarlyk ugurlaryna garamazdan, her ýokary okuw mekdepden dört talyp gatnaşyp bilýär.
Olimpiada sowallaryň 50-sinden ybarat bolan test görnüşinde geçiriler. Onuň dowamlylygy 60 minut bolar. Her dogry jogaba 2 bal baha berler. Degişlilikde, 100 bal – mümkin bolan iň ýokary netije bolar. Gatnaşyjy ýokary okuw mekdepler olimpiada üçin 25 sowaldan teklip edip bilerler, şol sowallar saýlanmak esasynda teste giriziler.
Iň köp bal toplan talyplar bäsleşigiň ýeňijileri diýlip yglan ediler. Olimpiadada I, II we III orunlary eýelän talyplar degişli derejeli diplomlar bilen sylaglanarlar.
Olimpiada gatnaşmak isleýänler 10-njy sentýabra çenli guramaçylyk toparyna talyplar hem-de jogapkär ýolbaşçylar baradaky maglumatlary, şeýle hem ýokary okuw mekdepler tarapyndan olimpiada üçin taýýarlanylan sowallary tdmi@sanly.tm elektron salga ibermelidirler.
Goşmaça maglumatlar +993 482863, +99365056749 telefon belgiler we tdmi.info@mail.ru, bmedeniýet@gmail.com elektron salgy boýunça elýeterlidir.
Olimpiada zehinli talyplary ýüze çykarmak, ýaşlaryň ýurdumyzyň baý taryhyny öwrenmäge höweslerini artdyrmak, olaryň ruhy-medeni taýdan sazlaşykly ösüşine ýardam etmek, şeýle hem taryhy-medeni mirasy giňden wagyz etmek hem-de ýurduň ýokary okuw mekdepleriniň arasynda netijeli ylym-bilim gatnaşyklaryny ösdürmek maksady bilen geçirilýär.
Olimpiada sanly bilim ulgamyny ösdürmegiň Konsepsiýasynda we Türkmenistanda durmuş-ynsanperwer ylymlary ösdürmegiň Döwlet maksatnamasynda öňde goýlan wezipelere laýyklykda guralýar.
