07.05.2021
4227
Resmi habarlar
Beýik ata-babalarymyzyň bize wesýet eden rehimdarlyk, ynsanperwerlik ýörelgelerini goldanyp, türkmen jemgyýetiniň hem-de her bir maşgalanyň agzybirligini we bitewüligini has-da pugtalandyrmak maksady bilen, şeýle hem mukaddes Gadyr gijesi mynasybetli, Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Gurbanguly Berdimuhamedow “Iş kesilenleriň mukaddes Gadyr gijesi mynasybetli günäsini geçmek hakynda” Permana gol çekdi. Günäsi geçilen raýatlar mundan beýläk azatlykdan mahrum etmek görnüşindäki esasy jeza çäresini, şeýle hem belli bir ýerde ýaşamak borjuny ýüklemek görnüşindäki goşmaça jeza çäresini çekmekden boşadyldy.
07.05.2021
4049
Türkmenistan – fransuz dili boýunça birinji sebit olimpiadasynyň liderleriniň üçlüginde
Ýurdumyzyň dört wekili fransuz dili boýunça sebit internet-oimpiadanyň sylaglaryna mynasyp boldy, şeýlelikde biziň ýygyndy toparymyz dil biliminden liderleriň üçlügine girdi.
07.05.2021
2861
Türkmenistan-Hytaý: döwletara gatnaşyklary ösdürilýär
Şu gün Daşary işler ministrliginde Hytaý Halk Respublikasynyň daşary işler ministri Wan I bilen telefon arkaly geçirilen söhbetdeşlik türkmen-hytaý döwletara gatnaşyklaryny mundan beýläk-de işjeňleşdirmäge bagyşlandy.
07.05.2021
5603
Tylda zähmet çekenler: Aždar Kepbanow
1931-nji ýylda demirýoluň Aşgabat – Duşak we Aşgabat – Bamy böleginde teplowozlar arkaly yzygiderli ýolagçy gatnatmak hem-de ýük daşamak başlananda, maşinist Aždar Kepbanow bu wakanyň öz ykbalyna nähili täsir etjekdigi barada gümanam etmändi.
07.05.2021
8643
Beýik Ýeňşiň şanyna: şekillendiriş sungaty muzeýindäki sergi
Uruş habary gurşun reňkli buluda öwrülip, dem salymda köpmilletli uly ýurduň oba-şäherlerini büredi. Uruş tanklaryň agyr zynjyrlary bolup, adamlaryň ykballarynyň üstünden geçdi, emma olaryň ruhuny syndyryp bilmedi. Hak işe bolan berk ynam bu hupbata döz gelmäge we duşmany ýeňmäge medet berd.
07.05.2021
4628
Türkmenistan ÝHHG-niň 11 ýurdy bilen bir hatarda nasizme garşy göreşde wepat bolanlaryň ýadygärliklerini aýawly saklamaga çagyrdy
Türkmenistan we ÝHHG-niň agzasy bolan 10 ýurt doganlyk gonamçylyklaradyr Ikinji Jahan urşy ýyllarynda nasizme garşy göreşde wepat bolanlaryň hormatyna galdyrylan ýadygärlik toplumlaryna aýawly çemeleşmäge we nasistleriň gahrymanlaşdyrylmagyna ýol bermezlige çagyrdy. TASS-yň habar bermegine görä, Ikinji Jahan urşunda gazanylan beýik ýeňiş mynasybetli Türkmenistanyň Azerbaýjanyň, Ermenistanyň, Belorusyň, Bosniýanyň, Gersogowinanyň, Gazagystanyň, Gyrgyzystanyň, Russiýanyň, Serbiýanyň, Täjigistanyň we Özbegistanyň ÝHHG-däki hemişelik wekilleri şeýle bilelikdäki ýüzlenme bilen çykyş etdiler.
06.05.2021
3467
Daşary ýurtly hyzmatdaşlar bilen nobatdaky wideoduşuşyk
Şu gün BMG-niň Çagalar gaznasynyň (ÝUNISEF) Türkmenistandaky wekilhanasy Bütindünýä Saglygy Goraýyş Guramasynyň (BSGG) Ýewropa sebit edarasy hem-de onuň ýurt boýunça edarasy bilen bilelikde onlaýn duşuşyk geçirdi. Ol ýokanç keselleriň ýaýramagyna garşy göreşmekde we sagdyn durmuş ýörelgesini wagyz etmekde habar beriş serişdeleriniň mümkinçiliklerini işjeň peýdalanmak meselelerine bagyşlandy.
06.05.2021
5163
Resmi habarlar
Türkmenistanyň Telewideniýe, radiogepleşikler we kinematografiýa baradaky döwlet komitetiniň işini has-da kämilleşdirmek maksady bilen, Türkmenistanyň Prezidenti Karara gol çekdi. Resminama laýyklykda, Türkmenistanyň Telewideniýe, radiogepleşikler we kinematografiýa baradaky döwlet komitetiniň merkezi edarasynyň gurluşy tassyklanyldy.
06.05.2021
3963
Türkmenistanyň Prezidentiniň we Hytaý Halk Respublikasynyň Başlygynyň arasynda telefon arkaly söhbetdeşlik
Şu gün Türkmenistanyň Prezidenti Gurbanguly Berdimuhamedowyň we Hytaý Halk Respublikasynyň Başlygy Si Szinpiniň arasynda telefon arkaly söhbetdeşlik boldy.
06.05.2021
3798
Synag otlusy Özbegistan – Türkmenistan – Eýran – Oman ýoly bilen geçer
Özbegistanyň, Türkmenistanyň we Eýran Yslam respublikasynyň demirýol müdirlikleriniň wekilleriniň nobatdaky wideoduşuşygy boldy. Bu barada Azerbaýjanyň “Report” saýty habar berýär.