24.08.2021

6788

Dokma senagaty Türkmenistanyň ykdysadyýetinde öňde baryjy pudaklaryň biridir. Döwletiň hemme taraplaýyn goldamagy netijesinde dokma pudagy iň çalt ösýän pudaga öwrüldi.

23.08.2021

4810

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 46-sy hasaba alyndy.

23.08.2021

5094

Ýurduň demirgazygynda güýzlük ýeralma ekişi tamamlandy. Bu ýyl Daşoguz welaýatynda ýylyň ikinji hasyly üçin meýdanyň esasy bölegi sebitiň iň iri ýeralma öndürijisi bolan Gurbansoltan eje adyndaky etrapda ýerleşýär. Güýzlük ýeralma, şeýle hem, Nyýazow we Gubadag etraplarynda köp mukdarda ösdürilip ýetişdiriler. Işleriň ýokary derejede ýola goýulmagy, ýeterlik mukdarda ýokary hilli tohumyň we ýöriteleşdirilen enjamlaryň bolmagy sebäpli, bu möhüm agrotehniki çäre gysga wagtyň içinde üstünlikli geçirildi. Ýeralmaçylar howa sowamanka, her gektardan azyndan 140 sentner hasyl almagy umyt edýärler.

20.08.2021

5054

«Fitch Ratings» halkara reýting agentligi Türkmenistana şu reýtingleri berdi: «B» derejede gysga möhletleýin reýting we «B + durnukly» derejede uzak möhletleýin reýting. Bu bolsa Türkmenistanyň milli ykdysadyýetiniň durnukly ösüşine şaýatlyk edýär.

20.08.2021

4938

Lebap döwlet elektrik bekediniň çäginde işe girizilmäge «Sumitomo Corporation» ýapon şereketi tarapyndan taýýarlanan gaz turbinaly täze elektrik bekedinde gurluşyk, energetika we paýlaýjy desgalary oturtmak, şeýle hem işledip sazlamak işleri tamamlandy.

19.08.2021

6593

Şu ýyl Türkmenistanyň oba hojalyk öndürijileri bakjadan, miwedir gök önümlerden we kösükli ekinlerden bol hasyl aldylar. Agrosenagat toplumynyň (AST) ösmeginde we pugtalandyrylmagynda hususyýetçilere möhüm orun degişlidir. Türkmenistanyň Senagatçylar we telekeçiler birleşiginiň maglumatlaryna görä, azyk önümleriniň agramly bölegi hususy mülkdar hojalyklar we işewürlik gurluşlary tarapyndan ösdürilip ýetişdirilipdir. Türkmen telekeçileri täze suwarymly ýerleri artdyrmagyň, bu ýerlerde goşmaça ekin ekmegiň, üzümdir miweli agaçlary oturtmagyň we ýyladyşhanalaryň meýdanyny giňeltmegiň hasabyna azyk önümçiligini artdyrmak ugrunda iş alyp barýarlar. Bu bolsa içerki bazary doly üpjün etmäge we eksporty artdyrmaga mümkinçilik berýär.

18.08.2021

7392

Türkmenistanyň Senagat we gurluşyk önümçilik ministrliginiň Daşoguzdaky demirbeton önümleri zawodynda 148-U belgili köp gatly iri panel ýaşaýyş jaýyny gurmak üçin ähli zerur düzüm bölekleriniň önümçiligi ýola goýuldy. Şeýle belgili jaýlar, esasan, dört gatly binalar bolup, olaryň her biri giň we beýik otagly, içki gurluşy gowulaşdyrylan öýlerden ybaratdyr. Mysal üçin, dört otagly öýüň umumy meýdany 120 inedördül metre ýetýär, üç otaglynyňky bolsa 100 inedördül metrden geçýär. Soňky ýyllarda sebitde kerpiç jaýlaryň gurluşygy has giňden ýaýbaňlanan-da bolsa, gurluşyk möhletiniň gysgalygy we bahalarynyň giň halk köpçüligine elýeterliligi sebäpli, iri panel binalara-da isleg bildirilýär. Şunda zawodda taýýarlanandygy sebäpli, panelleriň hiliniň ýokary bolmagynyň-da ähmiýeti az däldir. Özi-de iri panelli jaýlaryň hakyky hyzmat möhleti örän uzakdyr.

17.08.2021

3569

“Çalyk Enerži” şereketiniň potratçy guramasynyň hünärmenleri “Türkmenenergo” döwlet korporasiýasynyň buýurmagynda döredilýän Energiýa enjamlaryny bejerme we ideg etme merkezinde enjamlary oturtmaga başladylar. “Çalyk Enerži” şereketi “Türkmenenergoabatlaýyş” kärhanasy üçin Merkezi Aziýada iň uly häzirkizaman ýokary tehnologiýaly bazany döretmek işini bary-ýogy üç ýylda, ýagny 2022-nji ýylyň ortalaryna tamamlamaly bolar, bu ýerde ilkinji gezek ýerli şertlerde tehniki hyzmat ediş, ilkinji nobatda bolsa, elektrik beketlerini abzallaşdyrmakda ulanylan kuwwatly gaz turbinalaryna hyzmat ediş işi guralar. Gurluşyk bilen bir wagtda ökde hünärli işgärleri taýýarlamak we iş öwretmek-de alnyp barylýar.

17.08.2021

7601

«2021-nji ýylda GDA ýurtlary Russiýa Federasiýasyna iberýän miwe we gök önüminiň mukdaryny artdyrdy” diýip, Finmarket «Rosselhoznadzora» we «Argus-Fito» maglumat ulgamynyň maglumatlaryna salgylanmak bilen habar berýär.

16.08.2021

6131

Türkmenistanyň Senagatçylar we telekeçiler birleşmesiniň agzasy «Çemenli dag» hususy kärhanasynyň Daşoguz welaýatynyň oba hojalyk önümlerini öndürijilerini gök-miwe ekinleri üçin ýeňil, berk we ygtybarly gap bilen üpjün edip bilmek mümkinçiligi bar. Ol dürli oba hojalyk ekinleriniň ýygnalýan döwri islegli gaplary taýýarlaýar. Munuň üçin ýörüte termoplastawtomat işledilýär. Ilki gaba polimer granullary guýulyp, olar ýokary gyzgynlykda eredilýär, soňra suwuk massa guýma galyba berilýär we sowadylýar, şondan soň enjam taýyn gap çykarýar. Ençeme gezek ulanmaga ýaramly plastik gaby kärhana alyjylaryň tabşyrygy boýunça taýýarlaýar. Enjamda günde 2,5 müň sany gap çykaryp bolýar, onuň çig maly ýerli haryt öndürijilerden satyn alynýar.